Машинаның фототыңшылар түсірген суреттерін autospy.net порталы жариялады. Оларға қарағанда, қазіргі Kia K9 (бұрынғы Quoris) ауқымды рестайлингтен өтті. Шанақтың алдыңғы және артқы бөлігі толық жаңарды. Машина Genesis премиум брендінің стилінде әрленген.
Бұл жаңарту қымбат көліктің сатылымын арттыру мақсатында жасалып отыр. Өз отанында седанның жағдайы мәз емес, себебі клиенттер көбіне ұқсас деңгейдегі кроссоверлерді немесе Genesis-ті таңдайды. Жаңарған «тоғыздықтың» салонында үлкен өзгеріс болуы мүмкін. Атап айтқанда бірқатар автономды функциялар қосылып, мультимедиалық мүмкіндігі артады. Ал қозғалтқышына келетін болсақ, 3.8 литрлік бензинді мотор және 3.3 литрлік турбомотор қойылған. Екеуі де алты цилиндрлі. Демек елеулі ілгерілеу күтудің қажеті жоқ.
Kia K9/K900 біздің елге ресми әкелінбейді. Бірақ жеке адамдардың күшімен соңғы жылдары шыққан жаңа модельдерді 20-30 миллион теңге аралығында сатып алуға болады.
Комментариев: 0