Қазақстандағы Haval брендінің топтамасына рестайлингтен өткен Jolion кроссовері қосылды. Автомобиль өзгерген бамперімен, тік ламелі бар қара радиатор торымен және жаңа дөңгелек дискілерімен ерекшеленеді.
Кроссовердің мотор гаммасы өзгермеді. Капот астында 1.5 литрлік бензинді турбомотор бар, ол комплектациясына қарай 143 (210 Нм) немесе 150 ат күшін (230 Нм) береді. Агрегат 6 сатылы механика немесе 7 сатылы роботпен жұптасады. Үздік нұсқадан басқа барлығы алдыңғы жетекті.
Жаңарған Jolion-ның базалық нұсқасы 9 млн теңге тұрады. Ол механикалық қораппен, алдыңғы жетекпен, алдыңғы қауіпсіздік жастығымен, көмекші электрониканың базалық жиынтығымен, кілтсіз ашу жүйесімен, климат-бақылаумен, алдыңғы орындықтарды және айналарды жылыту жүйесімен, 10 дюймдік экраны бар медиажүйемен және 3.5 дюймдік дисплейі бар аспаптар панелімен жабдықталған. Автомобиль салоны матамен қапталған, ал орындықтар мен рөл қолмен реттеледі.
10.2 млн теңге тұратын Premium комплектациясы бір саты жоғары орналасқан. Бұл нұсқа робот қорап, жарықдиодты фара, 18 дюймдік дөңгелек дискілері, бүйірлік қауіпсіздік жастығы және пердесімен, айнала шолу камерасы, екі аймақты климат-бақылау, сымсыз қуаттағыш, 7 дюймдік цифрлы аспаптар панелі, амбиент жарық, алты динамикті аудиожүйе және артқы орындықтарды, алдыңғы әйнекті, рөлді және әйнек жуғыш бүріккішін жылытқышпен жабдықталған. Орындықтары жасанды былғарымен қапталған.
Tech Plus деп аталатын үздік модификацияда панорамалы шатыр, алдыңғы екі орындықты электрлі реттегіш, проекциялы дисплей, жүргізуші орындығын желдеткіш, алдыңғы парктроник, 12.3 дюймдік экраны бар медиажүйе, автоматты тежеу, көрінбейтін аймақты, жолақты бақылау, бейімді круиз-бақылау жүйелері мен басқа да көптеген жүргізуші ассистенті бар. Алдыңғы жетекті кроссовер 11 млн теңге, толық жетекті нұсқасы 12.3 млн теңге тұрады.
Комментариев: 0