Митинг 9 наурыз күні қалалық әкімдіктің жанында өтті. Жиналғандар шенеуніктерден бөлшек сауда нарығындағы сұйытылған газ бағасын түзетуді талап етті. Жаңаөзен тұрғындары газ бағасының литрі 65 теңгеге дейін көтерілгеніне наразы.
Айта кетерлігі, Қазақстанда жанармай құю бекеттеріндегі бөлшек сату бағасы 2020 жылы көктемде төтенше жағдай жарияланғаннан кейін тұрақты болды. Содан бері Энергетика министрлігі бірнеше мәрте бағаны еркіне жіберуді жоспарлаған. Биыл 1 наурызда бағаны мемлекеттік реттеу алынып тасталды. Бірақ Маңғыстауда шекті баға алынбастан, өткен жылдың күзінде газ қымбаттай бастаған. Ал жергілікті билік кәсіпкерлерге ешқандай шара қолданбай, тек газ құнын өсірмеу туралы насихатпен шектелген.
Соңғы кезге дейін Маңғыстауда газ бағасы арзан болды. Аталған аймақта көгілдір отынның бір литрі 50-55 теңгеден сатылған. Ал Алматы мен Нұр-Сұлтанда газ бағасы орта есеппен 70 теңге.
Комментариев: 0