Жапониядағы алпауыт өндірушілердің 23 %-ы 2023 жылы өнім бағасын қайта қарауға ниетті, арасында автоөндірушілер бар. Бұл мәлімет Kyodo News агенттігі жүргізген сауалнама негізінде белгілі болған. Toyota да көлік бағасына қатысты жоспарын жариялады.
1 қаңтардан бастап өнімін қымбатырақ сататын фирмалар қатары артуы мүмкін, өйткені сауалнамаға қатысқандардың 15 %-ы нақты жоспарын ашып айтпады. Биыл компаниялардың үштен бірі баға көтерді, 14 %-ы екі рет, тағы 7 %-ы үш-бес мәрте баға көтерген.
Бұл әрекетін кәсіпкерлер компоненттер мен логистиканың қымбаттауымен, ұлттық валютаның сан құбылуымен байланыстырады. Жапониядағы ішкі қаржы процестері бүкіл әлемдегі көлік бағасына әсер етуі мүмкін. Автомобиль тапшылығы мен қымбат сатылуынан АҚШ сияқты ірі нарықтар зардап шегіп отыр, онда 4 жастағы автокөлік жаңасынан қымбат тұрады. Өйткені жаңасын жұрт кем дегенде 4 жыл күтуге мәжбүр.
Toyota микрочип жетпеуі мен коронавирусқа қатысты шектеулер салдарынан зауыттарының жұмысын қайта-қайта тоқтатуға мәжбүр болған еді, соңғы үш айда қайта қарқын ала бастады. Қазанда концерн әлем бойынша 832 мың машина сатты, бұл өткен жылмен салыстырғанда 23 % көп.
Токиода көп тауардың бағасы былтырға қарағанда 3.6 % өскен. Мұнда азық-түлік те, энергия тасығыштар да қымбаттап жатыр. Алайда жергілікті өндірушілердің 6 %-ы ғана келер жылы жұмысшыларының жалақысын көтеруге дайын екен.
Комментариев: 0