Жаңа жыл жақындап келеді!

Құрметті оқырмандар және QAZ Kolesa KZ көрермендері!

Kolesa.kz редакциясы баршаға 2025 жыл құтты болып, әр шаңыраққа бақ-береке, байлық, шаттық пен көп қуаныш ала келсін деп тілейді. Үйден жұмысқа шыққан, жұмыстан үйіне қайтқан не саяхатқа аттанған кісілерге сәттілік серік болғай! Әр күнді бағалай біліңіздер.

Сонымен қатар көлік багы жанармайға толы, аккумулятор қуатталған, жол тегіс болсын және айыппұл жазылған хат келмесін дейміз!

Достар, бізбен бірге болғандарыңыз үшін алғыс айтамыз!

Біз сіздер үшін жаңалық жазып, видео түсіреміз, көлік иелері мен автомобиль алуға дайындалып жүрген жандарға барынша пайдалы, өзекті ақпарат беруге күш саламыз.

Болашақта не туралы жазып, қандай тақырыптарды қозғаған дұрыс, ой бөлісіп, пікір жаза кетіңіздер. Біз үшін кері байланыс аса маңызды! Бұл алда пайдалы мәлімет таратып, көп адамның көкейінде жүрген мәселелерді көтеруге үлкен көмек береді!

Жаңа жыл тек жақсылығымен келсін!