Жаңа седан келер жылы көпке көрсетіледі. Флагманның сырт пішіні компания өнімдерінің жаңа стиліне сай болатыны анық. Клиенттер ІЖҚ орнатылған классика, гибрид немесе электромобильдің бірін таңдай алады. Ал аңызға айналған 6.6 литрлік қосарлы турбоүрлемді V12 тарих қойнауына кетеді.
«Жетілік» бұл жолы өздігінен қозғалу мүмкіндігіне ие болады. Біраз уақыт бұрын Forbes-қа сұхбат берген BMW компаниясының даму бойынша директоры Франк Вебер 7-Series үшінші деңгейлі автономды басқару жүйесімен жабдықталатынын растады. Басқаша айтқанда, жүргізуші жылдамдығын өзі арттырып, тежелетін және басқа машиналар арасында маневр жасағанда барынша дұрыс жолақты таңдай алатын темір тұлпарға толық сене алады. Алайда қиылыстары көп әрі жаяу жүргіншілер мен қос дөңгелекті көлік мінгендер қаптап жүретін қала көшелерінде жүргізуші тізгінді өз қолына алғаны дұрыс.
Сонымен, неміс машиналары жолдағы бар қателікті жаба салуға ыңғайлы, ал сотта апатқа өндіруші кінәлі деп айтуға жағдай жасайтын үнсіз роботпен толығатын болды. Айтпақшы, заңгерлер компания мамандарына осындай жағдайға дайын болу керек екенін ескертті. Бірақ бәсекелестерінен қалыс қалуды қаламайтын BMW автопилоттан бас тартпайтыны анық. Сондықтан автономды жүйе iX кроссоверіне, «бестікке» (опция ретінде), кейін «үштікке» орнатылуы мүмкін.
Комментариев: 0