Еуропада 2033–2035 жылдарға дейін іштен жанатын қозғалтқышы бар машина сатуға ниетті Volkswagen-нің сату жөніндегі директоры Клаус Целлмер аталған уақытқа дейін концерннің бензинді және дизельді модельдерінің тағы бір-екі буыны алмасатынын айтты.
Үшінші буындағы «Тигуанның» тұсаукесері келер жылы өтеді, ал сатылымға 2024 жылы шығады, сондықтан қазірше көлік туралы ақпарат аз. Дегенмен жақында модельдің сынақ нұсқасы көзге түсті. Жарияланған фотодан шамының пішіні өзгеріп, алдыңғы ауа тартқышы үлкейгенін және басқа капот пен төмен орналасқан есік тұтқасын байқауға болады. Машинаның өзі де бұрынғыдан сәл үлкен.
Салонда алдыңғы панель едәуір өзгерген. Ортаңғы консольмен біріккен мультимедиа экраны орнына физикалық батырмаларды алмастыратын планшет қойылады. Матамен жасырылған шағын цифрлы аспаптар панелі электрлі ID.4 стилінде жасалуы мүмкін.
![Новый VW Tiguan выехал на испытания](https://kolesa-photos.kcdn.online/kolesa-read/2c27f28fbc264d75c579d723bc0d45a8c336ee6d-full.jpg)
Үшінші буындағы Tiguan-ның қазіргі секілді стандарт және Allspace нұсқасы бола ма, жоқ па белгісіз. АҚШ нарығына арналған көлік қуатты болады, бірақ онда күшті мотор мен толық жетекті түрленімде болатын R белгісі жоқ.
Комментариев: 0