Концернге тиесілі жеңіл көліктерді насихаттаумен енді Škoda айналысады. Polo чехиялық фирманың модельдік қатарымен жақындасуы тиіс.
«Германиялық» лифтбек алдыңғы нұсқасымен салыстырғанда ірілеу болып шықты. Оның ұзындығы 93 мм-ге, дөңгелек базасы 49 мм-ге, ені 7 мм-ге ұлғайды, ал жол саңылауы 170 мм-ге жетті. Жүк бөлігінің конфигурациясы ірі заттарды тасымалдауға мүмкіндік береді.
Мотор гаммасында 1.6 литрлік (механикалық 90 а.к. және механика не автоматпен ұсынылатын 110 а.к.) екі атмосфералы қозғалтқыш пен 1.4 литрлік (7 сатылы DSG роботына ие 125 а.к.) турбомотор бар.
Жаңа Polo-ның шамдары толықтай жарықдиодты. Бюджеттік нұсқада рефлекторлы, қымбатында прожекторлы (линзасы бар) шамдар қойылады. Артқы шамдары да жарықдиодты.
Салонында опциялық саясат сезіледі. Комплектациялар Origin, Respect, Status және Exlcusive деп бөлінеді. Үздік нұсқада 10.25 дюймдік цифрлы аспаптар панелі мен ақпараттық ойын-сауық жүйесі пайда болды. Машинада Apple CarPlay мен Android Auto болатынын айта кеткен жөн.
Жаңа көлік сатылымға көктемде шығады. Калугалық «Поло» «Рапидтен» арзан болады деген сыбыс бар.
Комментариев: 0