Нью-Йорктегі автосалонда Toyota судай жаңа Yaris хэтчбегін жария етпек. Алайда көлікке мұқият көз салып, біздің алдымызда «тойота» емес, 2014 жылғы үлгігдегі Mazda 2 тұрғанын байқауға болады. Десе де мұндай тәжірибені жапондықтар алғаш жасап отырған жоқ. 2015 жылдан бастап Mazda 2 седаны АҚШ-та Scion iA және Toyota Yaris деген атаулармен сатылып келді. Енді соған ұқсас жағдай хэтчбекке қатысты да қайталанып отыр.
«Ярис» қақпағының астында 107 аттың күшін беретін 1.5 литрлік атмосфералы Skyactiv-G орнатылған. Ол тек 6 сатылы автоматпен жұптаса жұмыс істейді. Бес есікті хэтчбекке механика мүлде қойылмайды. Мұндай Yaris-ті АҚШ азаматтары биылғы жаздан бастап ала алады. Өзге нарықтарға жеткізу әзірше компанияның жоспарында жоқ. Себебі онда Toyota-ның өз «яристері» бар.
Қалай ойлайсыздар, осындай хэтчбек қазақстандық нарықта сұранысқа ие болар ма еді?
Комментариев: 0