Қазақстанға әлі жете қоймаған жаңа Toyota RAV4 Еуропада қауіпсіздік сынағынан өтті. Көлікті EuroNCAP сарапшылары тексерді.
Сынақ нәтижелеріне сәйкес, кроссовер бес жұлдызды иеленген. Ересектердің қауіпсіздігін инженерлер 93 %-ға, балалар қауіпсіздігін 87 %-ға, ал жаяу жүргіншілердің қауіпсіздігін 85 %-ға бағалапты. Электронды көмекшілер тек 77 %-ға ие болған.
Сарапшылар ішінара жабылған бетпе-бет соғылу барысында жүргізушінің кеуде қуысы мен аяғын жақсырақ қорғауға болатын еді деген шешімге келді. Бұл жағынан RAV4 «жақсы» деген бағаның орнына «жеткілікті» деп бағаланды, бағанаға не өзге автокөлікке бүйір жағынан соғылған кездегі бастың қорғанысы да солай бағаланды. Сонымен қатар инженерлер жаяу жүргіншіні қаққан жағдайда алдыңғы әйнектегі тіреулердің үлкен зақым келтіретінін де атап өтті.
| Үлгі | Жалпы рейтинг | Ересек жолаушылар қорғанысы | Балалар қорғанысы | Жаяу жүргіншілер қорғанысы | Қауіпсіздік жүйелері |
| Toyota RAV4 |  |
93 % | 87 % | 85 % | 77 % |
Комментариев: 0