Жаңа Toyota Land Cruiser Prado қандай болады

Toyota-ның Америкадағы бөлімшесі жаңа Land Cruiser Prado-ның суретін жариялады, ал Drive басылымы машинаның мотор гаммасы жайлы ақпарат таратты. Жаңа Prado фирмалық V6-мен емес, 4 цилиндрлі мотормен жүреді. Ал сырт пішіні Жапонияның классикалық жол талғамайтын көліктеріне ұқсайды.

Жаңа өнімнің алғашқы фотосынан сыртқы бөлшектерін көру мүмкін емес, өйткені кескін тым күңгірт. Бірақ жаңа Prado-ның сұлбасы жақында жарық көрген Lexus GX-ті еске салады.

Жаңа Prado-ның сырт пішіні GX пен Land Cruiser 300-ден ретро стилімен ерекшеленеді.

Аустралиялық журналистер Prado-ның мотор гаммасы жайлы ақпарат таратты. Ол 4 цилиндрлі үш мотордан тұрады: 2.8 литрлік дизельді, 2.4 литрлік бензинді және 2.7 литрлік атмосфералы қозғалтқыш. Олардың бәрі Fortuner, Hilux сияқты Toyota модельдерінде және Lexus NX пен RX-те қолданылған.

Prado-ның 2.4 литрлік моторға негізделген гибрид күштік құрылымы болуы мүмкін. Ал GX-тің 350 ат күшіне ие 3.5 литрлік V6 моторын жаңа өнімге қазірше орнатпайды. Алты цилиндрлі мотор жаңа Prado-ға мүлде қойылмауы мүмкін, ол Lexus моделіне арналған сияқты.

Toyota Land Cruiser Prado 250 өндірісі биыл қарашада басталады деген ақпарат бар. Демек жол талғамайтын көлік 2024 жылы сатылымға шығады, ал тұсаукесері алдағы айларда өтуі мүмкін.