Жаңа Toyota FJ рамалы бола ма?

Атақты FJ аббревиатурасы бар жол талғамайтын көліктің нарыққа қайта оралуы туралы мәлімет шығып жатыр. Ақпанның аяғында компания Land Cruiser FJ атауын пайдалану құқығын қорғағаны белгілі болды, ал Қытай басылымдары Compact Cruiser концептісі серияға шығады деген ақпарат жариялады. Autocar India-ның дереккөздері болашақ FJ-дің концепциясы сәл басқа екенін айтыпты.

Жаңа модель IMV 0 жобасының жалғасы болады деген болжам бар. Компания былтыр жол талғамайтын көлікке арналған көп мақсатты платформаны көрсетіп, оның негізінде Hilux Champ пикабын жасады. Ол қазір Таиланд пен Индонезияда сатылып жатыр. Бренд FJ-ге бірдей архитектура және ұқсас мотор гаммасын, соның ішінде көлемі 2.4-2.8 литрлік дизельді қозғалтқыштарды пайдаланады. Машина қарапайым Hilux-тың 166 ат күшіне ие 2.7 литрлік моторын алады.

Жаңа өнім қазіргі Fortuner-ден сәл кішкентай болғандықтан, Оңтүстік-Шығыс Азия елдеріне арналған топтамада жарты саты төмен тұрады. Көліктің сырт пішіні соңғы кездері Toyota дизайнерлері қызығып жүрген ретро стильде жасалады. Жаңа FJ-де сапалы әрлеу материалдары мен озық медиажүйесі бар заманауи интерьер болады.

Жаңа модельдің тұсаукесері биыл Таиландта өтеді.