Жаңа Toyota Camry Таяу Шығысқа аяқ басты

АҚШ, Қытай және Шығыс Еуропа елдерінен кейін Toyota Camry-дің тоғызыншы буыны Таяу Шығысқа жетті. Ал Қазақстан тұрғындарына модельдің ресми дебютін тағы біраз күтуге тура келеді.

1 / 4

• 
• 
• 
• 

1 / 4

«Араб» “камриінің” сырт пішіні XLE нұсқасындағы америкалық түрленімге ұқсайды. Бірақ одан айырмашылығы, машина гибрид құрылыммен ғана жабдықталмайды. Стандарт седан 8 сатылы автоматпен жұмыс істейтін 201 ат күшіне ие 2.5 литрлік A25A-FKS моторымен жүреді. Бензин-электрлі түрленімі 2.5 литрлік моторға негізделген 184 ат күшіне ие күштік құрылыммен жабдықталған, ол электромеханикалы вариатормен жұмыс істейді.

Автомобиль үш комплектацияда сатылады. Таяу Шығыста базалық Camry-дің салоны матамен қапталған және 8 дюймдік медиажүйе экраны бар. Үздік түрленімі былғары салон, үш аймақты климат басқару жүйесі, алдыңғы панельдегі 12.3 дюймдік қос экран, люк, айнала шолу камерасы, сымсыз қуаттағыш және электронды көмекшілер жинағымен ерекшеленеді.

1 / 5

• 
• 
• 
• 
• 

1 / 5

БАӘ-де бензинді седан 109 900–136 900 дирхам (14.4–17.9 млн теңге) тұрады. Ал бензин-электрлі машинаның бағасы 139 900 дирхамға (18.3 млн теңге) жуықтайды. Ал Kolesa.kz-те Қазақстанға Қытайдан келген 2 литрлік моторы бар гибрид машиналар 15.9–20 млн теңгеден сатылып жатыр.