Жаңа Toyota Camry-дің прототипі жолда көзге түсті

Америкада камуфляжбен қапталған Toyota Camry-дің келесі буынының прототипі көзге түсті. Суреттен көлік дизайны туралы бірдеңе деу қиындау, дегенмен Camry моделінде Crown топтамасына тән дизайнерлік элементтер болатыны анық.

Автоөндіруші жаңа седан туралы жақ ашпай отыр, бірақ жыл басында австриялық Drive басылымы инсайдерлерге сүйеніп, біраз мәлімет жариялаған еді. Болжам бойынша өндіруші төрт есікті платформаны сақтап, 3.5 литрлік V6-дан бас тартады, гибрид топтамасын кеңейтіп, жүргізуші ассистенті мен медиажүйеге соңғы жаңа технологияларды қолданады.

1 / 9

• 
• 
• 
• 
• 
• 
• 
• 
• 

1 / 9

Мотор гаммасында V6 бұған дейін Lexus RX пен Toyota Highlander-дегі 3.5 литрлік агрегатты алмастырған 2.4 литрлік турбомоторға орын беретін сияқты. Сондай-ақ седанның жаңа буыны қуатталатын гибрид күштік құрылыммен жүруі мүмкін.

Тұсаукесер күні нақтыланбаған. Кей ақпарат көздері модель 2024 жылы шығады десе, Motortrend таратқан мәлімет бойынша седан 2025 жылы жүргізушілерге жол тартады.