Жаңа S-кластан қымбат тұратын ескі Mercedes-Benz

Bonhams аукционында S123 шанағындағы 1979 жылғы Mercedes-Benz 138 мың долларға сатылды. Құны орташа комплектациядағы жаңа S-класпен бірдей. Мұндай жоғары баға универсалдың сирек болуымен байланысты. Бұл — AMG жақсартқан және жеке 500 TE индексін алған өте сирек кездесетін S123-тің бірі.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

1970 жылдардың аяғында Аффальтербахта санаулы Mercedes-Benz W123 көліктері толықтай өзгерді. Сол кездегі тәуелсіз ателье седан, универсал және купе сияқты әртүрлі шанақпен айналысты, аспасын жаңартып, жаңа шанақ бөлшектерін орнатты. Бірақ ең ауқымдысы қозғалтқыш ауыстыру болды.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

AMG мұндай тюнинг-жобаның негізі ретінде мамандар 5 литрлік V8 M117 қозғалтқышын қолданды. Универсалдағы шағын 2.8 литрлік агрегаттың орнын қуатты мотор басты. Тюнерлер оның көлемін 5.2 литрге ұлғайтып, қуатын шамамен 300 ат күшін беретіндей арттырған.

Мамандар универсалдың жүріс бөлігін жақсартып, аэродинамикалық бастырық пен әсерлі BBS дөңгелектерін орнатты, шанағын ерекше Astral Silver түсіне бояп, салонды қызыл былғарымен қаптады.

Аукциондағылар көліктің ешқандай техникалық құжаты жоқ екенін атап өтті, бірақ AMG сәйкестендіру нөмірлері бар тақтайшасы тұр. Универсал шамамен 83 мың шақырым жүрген және соңғы иесі қайтыс болғаннан кейін ұзақ уақыт орнынан қозғалмаған, сондықтан сатып алушы раритетті қалпына келтіру үшін шығындалады. Бірақ ескі 123-ті жаңа модельден артық көрген кісіні бұл тоқтатпады.