Жетінші сериялы BMW платформасына негізделген Rolls-Royce Ghost-тың шыққанына 11 жыл болса да, британиялық марка енді ғана өзгерді. Аса сәнді седанның екінші буыны Phantom-ға негіз болған Architecture of Luxury-ге көшті. Дөңгелек базасы бұрынғыдай, бірақ көліктің ұзындығы 89, ал ені 30 мм-ге артты. Салмағы — 2 490 кг.
Машина сырттай ширақ көрінеді. Шамы өзгеріп, «Экстаз рухы» деген белгісі орын ауыстырған. Салоны дәстүрлі түрде жасалыпты, аспаптар панелі виртуалды. Машина марка тарихында алдыңғы панелінде нүктелі жарығы бар алғашқы модель атанды. Онда жұлдызға ұқсайтын 860 жарықдиод орнатылған.
Ghost авторлары дыбыс изоляциясын жақсартты. Formula for Serenity деп аталатын концепция 100 келіден аса дыбыс оқшаулайтын материалдан тұрады.
Көлік қақпағының астына қосарлы турбоүрлемге ие 6.75 литрлік V12 орнатылған. 571 ат күшін беретін агрегат 8 сатылы ZF автоматымен жұмыс істейді. 900 Нм айналу моменті дөңгелектердің бәріне бірдей беріледі. Ghost — Rolls-Royce-тың алғашқы толық жетекті седаны, сонымен қатар, ол тұтас басқарылатын шассиге ие.
Ghost аспасы белсенді. Planar Suspension System жүйесі жол жағдайына бейімделу үшін тек хабарлағыштар көрсеткішіне ғана емес, стереокамера мәліметіне де сүйенеді.
Rolls-Royce Ghost-тың бағасы 250 мың фунт стерлингтен басталады.
Комментариев: 0