Жаңа Renault Duster сынақтан өтіп жатыр

Renault 2025 жылы шығатын Duster кроссоверінің үшінші буынын көрсетуге дайындалып жатыр. Autocar India басылымы жариялаған суреттен модель прототипі жолда сынақтан өтіп жатқанын көруге болады.

Суреттен камуфляжды кроссовер Dacia Bigster концептісіне ұқсайтынын байқау қиын емес. Екі машинаның артқы тіркеуі басып тұрған шанақ бедері, шамы және бұрын «Дастерде» болмаған артқы есіктің тік тұтқасы өзара ұқсас.

Renault Duster-дің үшінші буыны Renault — Nissan CMF-B платформасына негізделеді. Машинаның стандарт және ұзындау нұсқасы шығады. Екінші нұсқаның салоны үш қатарлы болады. Күштік құрылымы жайлы қазірше ақпарат жоқ.

Екінші буындағы Duster 2017 жылы жарық көрген, бірақ ЕЭО нарығына арналған нұсқасы 2021 жылдың басында шықты. Оны Мәскеудегі Renault зауыты толық циклда жасады. Модельді ірі торапты әдіспен шығаратын Қостанайдағы зауытқа көлік жинағы Ресейден келетін. Renault Ресейден кеткен соң Duster өндірісі тоқтады. Былтыр автосалондар қоймада қалған машиналарды сатты. Duster-ді жүрген көліктер нарығынан ғана табуға болады. Кроссовердің үшінші буыны біздің елге қазірше келмейтін шығар.