Land Cruiser Prado 11 жылдан бері шығарылып келеді, соңғы рет ол 2017 жылы рестайлингтен өтті. Дегенмен су жаңа «Прадо» келер жылы көктемде жарық көретін Toyota Land Cruiser 300-ден кейін көпке көрсетіледі.
Жапониялық Bestcarweb басылымы берген ақпаратқа сенсек, жаңа «Прадо» төртінші буындағы көліктің табалдырық секілді жақтау, қосарлы көлденең иінтірегі бар алдыңғы аспа және серіппелі артқы белдік (мост) секілді базалық ерекшеліктерін сақтайды. Жарияланған суреттерден шанақ дизайнының сәл өзгеретіні байқалады.
2022 жылы шығатын модельдің 204 ат күшін беретін 2.8 литрлік турбомоторы бар дизельді нұсқасы болады. Бір жылдан кейін 2.4 литрлік қозғалтқышы бар гибрид нарыққа шығады. Машинаға электрлі мотор орнату компанияның жоспарында жоқ. Бұл топтамадағы дизельді көліктердің Қазақстанға мүлде жеткізілмейтінін ескерсек, бізге 2.7 литрлік бензинді нұсқасын күтуге тура келеді.
Жол талғамайтын көліктегі жабдықтар тізімінде қараңғыда жаяу жүргіншілерді анықтау жүйесі мен Apple CarPlay және Android Auto-мен жұмыс істейтін мультимедиа кешені бар.
Комментариев: 0