Бұрын ұрылар Porsche Cayenne шамын оңай шешіп алатын, бұл қымбат кроссовер иелеріне ұнаған жоқ. Бренд инженерлері содан сабақ алып, оптиканы оңайлықпен алынбайтын етіп жасады. Бірақ бұл ұрыларға тосқауыл болмаған сияқты. Мысалы, жақында Дюссельдорфта Taycan Cross Turismo шамы қолды болды.
Шамы жұлынған электромобиль суретін Reddit порталында No_Supermarket9751 есімді қолданушы жариялады. Оптиканы алу үшін ұрылар «Тайканның» алюминий қанатын металл қайшымен кесіпті. Жазба авторы бұл досының машинасы екенін жазды.
Көлік иесі полицияға арыз жазған, ұрылар ұсталған-ұсталмағаны қазірше белгісіз. Қолда бар ақпарат бойынша Taycan-ның бір шамы 2.9–3.6 мың доллар тұрады. Дилерлер бір қанат үшін 650 доллар сұрайды.
Батыс ақпарат құралдары бұл шамы ұрланған алғашқы Taycan емес екенін хабарлады. Желіде осыған ұқсас бірнеше оқиға жарияланған. Мысалы, 2021 жылғы мына сурет соның дәлелі.
Комментариев: 0