Роспатент базасында АВТОВАЗ топтамасындағы автомобильдің алдыңғы панелінің суреті жарияланды. Drom.ru порталы рендер 2024 жылы шығатын жаңа буындағы Lada Niva-ның алдыңғы панелі екенін хабарлады.
Дизайнда Renault-дан алынған көптеген элемент бар, мысалы, Renault Arkana мен Duster-ден жақсы таныс климат бақылау шайбасын айтуға болады. Бұған таңғалудың қажеті жоқ, өйткені жаңа «Нива» Renault — Nissan — Mitsubishi альянсының CMF-B платформасында жасалады деп жоспарланған.
Жаңа буындағы Lada Niva-ның эскизі
Бірақ жаңа Lada Niva-ның болашағы бұлыңғыр болып тұр. Жобаның тағдыры туралы ресми ақпарат жоқ, бірақ Ресей-Украина қақтығысынан кейінгі санкцияға байланысты Renault АВТОВАЗ-дағы 67.6 % үлесін ФГУП «НАМИ» институтына беріп, Ресейден кетіп қалғанын айта кеткен жөн.
Комментариев: 0