Жаңа Nissan Rogue алғаш рет камуфляжсыз көрсетілді.
Темір тұлпардың суреттеріне зер салсақ, оның үстінде жіңішке күндізгі жүріс шамдары, ал астында негізгі шамдары орналасқан екі қабатты оптикаға ие болғаны аңғарылады. Артқы бөлігі қарапайымдау көрінеді.
Жаңа Rogue салоны тамаша жасалған. Мұнда мультимедиалық кешен планшетінен бөлек, аспаптар панелінің орнында тағы бір экран бар. Сонымен қатар, ортаңғы консольдегі бекітілмейтін селектор мен сымсыз қуаттағыш та ерекше көз тартады.
Машинаның сипаттамасы туралы ақпарат көп емес. Кроссовердің көлемі ұлғайып, 180 аттың күшін беретін 2.5 литрлік жетілдірілген қозғалтқышқа ие болады деген болжам бар. Ол Xtronic CVT вариаторымен жұптаса жұмыс істейді.
Кроссовердің ресми таныстырылымы жуық айларда өтуі мүмкін, бірақ мұны коронавирус пандемиясы шешетіні анық.
Комментариев: 0