Жаңа Nissan Patrol АҚШ-та сынақтан өтіп жатыр

Nissan жаңа Patrol-дың тұсаукесеріне дайындалып жатыр. Бүркелген машина Америка жолдарында фототыңшылар назарына ілікті. Бұл елде автомобиль Armada деген атаумен саудаланады.

Ірі радиатор торы және шағын жарық техникасына ие Patrol қазіргі модельден әлдеқайда ірі көрінеді. Көлікті көзбен көрген кей дилердің пікіріне сүйенсек, сырт пішіні Range Rover-ді еске түсіреді екен. Экстерьер туралы тек шпиондық суреттерге ғана емес, биыл тамызда көрсетілген Infiniti QX Monograph концептісіне қарап та ұйғарым жасауға болады.

1 / 4

• 
• 
• 
• 

1 / 4

Patrol-дың техникалық сипаттамасы туралы мәлімет аз, бірақ капот астында V8 болмайтыны анық. Мамандар 5.6 литрлік атмофералы қозғалтқышты 9 сатылы автоматпен жұптасқан турбоүрлемді V6-ға алмастырыпты. Алдын ала ақпарат бойынша V6-ның қуаты 430 ат күшіне жетуі мүмкін.

Бренд жаңа машинаны қашан таныстыратыны белгісіз, бірақ Аустралияға Patrol 2025 жылдың ортасында ғана жетеді.