Nissan Pathfinder-дің бесінші буыны 2021 жылдың басында таныстырылғанмен, америкалық салондарда бірнеше ай бұрын ғана пайда болды, енді кері қайтарылып жатыр.
Алғашқы сервистік кампания 10 маусым мен 28 шілде аралығында шығарылған үш мыңнан аса көлікті қамтиды. Бұған капот құлпындағы, нақтырақ айтсақ, оның бекіткішіндегі ақау себеп болып отыр. Құлып толық бекітілмеуі немесе мүлде жабылмауы мүмкін. Салдарынан капот жолда ашылып кетіп, апатқа әкеледі.
Су жаңа Nissan Pathfinder иелеріне сервистік орталыққа барып, құлыпты тексерту, қажет болса ауыстыру ұсынылады. Кампания 21 қазанда басталады.
Бұл мәселе маусымда белгілі болғанын айта кеткен жөн, кемшілікті техниктердің бірі анықтаған. Компания ішкі тексеріс жүргізіп бірнеше көліктен ақау тауыпты.
Комментариев: 0