Жаңа Nissan Murano-ның сырт пішіні мен интерьері қандай болады

Nissan Murano кроссоверінің төртінші буынын қашан ресми таныстыратыны белгісіз. Бірақ машинаның шанағы мен салон дизайны қандай болатыны белгілі болды. Carscoops хабарлағандай, оқырмандардың бірі Nissan автосалонынан жаңа өнімнің суреті бар брошюра тауып алыпты. Murano үлкен өзгеріске ұшырады.

1 / 3

• 
• 
• 

1 / 3

Кроссовер сұлбасы әлі де купеге ұқсайды, бірақ бұл ескі Murano-ны еске салатын жалғыз ерекшелік. Кроссовер марканың қазіргі модельдеріне тән стильдегі жаңарған дизайнға ие болады. Мысалы, жарық техникасының кей элементі қазіргі Pathfinder-ге сілтеме жасайды, ал артқы жағы электрлі Ariya-ны еске салады. Фотосуреттен хром детальдің көптігін, контрастты шатырды және өзгеше дөңгелек дискісін байқауға болады.

1 / 4

• 
• 
• 
• 

1 / 4

Интерьер архитектурасы да толық жаңарды. Ол заманауи әрі қарапайым болады. Nissan дизайнерлері бөлек ортаңғы консольден бас тартып, оны аспаптар панелі мен медиажүйе орналасқа алдыңғы панельмен біріктірді. Трансмиссия селектор жоқ, оның қызметін бірнеше батырма атқарады. Рөлі екі спицалы болады.

Nissan Murano-ның күштік құрылымын өзгертті деген ақпарат бар. 3.5 литрлік V6-ның орнын қуатты әрі үнемді 2 литрлік төрт цилиндрлі турбомотор басады. Infiniti QX60-та мұндай мотор 272 ат күші мен 388 Нм береді әрі 9 сатылы автомат қораппен жұмыс істейді.

Жаңа Nissan Murano-ның ресми тұсаукесері биыл жыл аяғына дейін өтеді деген ақпарат бар. Марка машинаны Лос-Анджелестегі халықаралық автосалонда таныстыруы мүмкін.