Екінші буындағы Nissan Juke-тің ресми таныстырылымы 3 қыркүйекке белгіленген, ал әзірге онымен Autocar басылымының мамандары жүйткіді. Британиялықтардың айтуынша, тестілік прототиптің өрнекті камуфляжбен жасырылғанына қарамастан, «Джуктің» ниссандық Gripz және GT-R 2020 Vision Gran Turismo концептілерімен ұқсастығы байқалады. Десе де жаңа көлік қазіргі үлгінің бірден танылатын кескіні мен өлшемдерін сақтап қалған.
Қазіргі таңда жаңа үлгіге 115 атттың күшін беретін және қосарлы ілінісі бар алты сатылы автоматты қораппен жұптаса жұмыс істейтін Nissan Micra-дан алынған бензинді мотордың орнатылатыны белгілі. Одан бөлек анағұрлым өнімді қозғалтқыштар: аралық бензинді 1.3, 200-ге жуаық ат күшін беретін турбиналы 1.6 және 1.5 литрлік дизельді мотор орнатылады деген болжам бар.
Журналистер жаңа Juke-тің интерьерінің жақсарғанын атап өтті: салон әрлеуі анағұрлым сәнді және базалық жиынтығында кроссовер үлкен сенсорлы экраны бар мультимедиалық жүйемен жабдықталған. Ең қымбат нұсқасын сатып алам деушілер үш түрлі дербестендіру пакетінің бірін таңдай алады.
Nissan Connected онлайн-сервисі автокөліктің орны мен оның жылдамдығын қашықтықтан бақылауға мүмкіндік береді. Сонымен қатар, смартфон арқылы есікті алыстан ашып-жауып, Google Home дыбыстық көмекшісі арқылы көлікпен тілдесуге болады.
Комментариев: 0