Бірнеше тизері мен тыңшылық суреттері жария болған соң Mitsubishi төртінші буындағы Outlander-ді көпке көрсетті. Кроссовер сырттай 2019 жылы көрсетілген Engelberg Tourer концептісін еске түсіреді. Көлікке екі деңгейлі оптика орнатылып, алдыңғы бөлігі Х іспетті дизайнда жасалған.
Су жаңа машина CMF-С/D платформасына негізделеді. Жаңа Nissan Rogue (X-Trail) моделі де осы платформада жасалған. Бұл олардың техникалық жағынан бірдей екенін білдіреді. Нақтырақ айтсақ, екеуіне де 181 ат күші мен 245 Нм айналу моментін беретін 2.5 литрлік атмосфералы мотор орнатылады. Агрегат вариатормен және Mitsubishi Super All-Wheel Control (S-AWC) толық жетек жүйесімен жұмыс істейді.
Кроссовер ірілене түсті: 4680×1860×1747 мм. Ал дөңгелек базасы — 2705 мм.
Қос көліктің салонына ұқсас мультимедиа, климат бақылау құрылғысын басқару жүйесі және басқа да дүниелер орнатылған. Базалық кроссоверге аналог құрылғы, ал қымбат нұсқаларына 12.3 дюймдік экран мен көлемі 10.8 дюйм проекциялық дисплей қойылады. Жалпы 7 орындық «Аутлендердің» интерьері басқа Mitsubishi көліктерінен өзгеше көрінеді.
Көлікте бейімді круиз-бақылау жүйесі, машинаны жолақта ұстау, жол белгілерін анықтау, автоматты түрде тежеу, көрінбейтін аймақтарды бақылау сынды электронды көмекшілер көп. Айта кетерлігі, бұл ниссандық ProPilot кешенінің бір бөлігі.
АҚШ-та Mitsubishi Outlander-дің төртінші буыны 2021 жылы сәуірде сатылымға шығады. Бағасы 25.8 мың доллардан басталады. Қазақстанға тек 2022 жылы жетеді.
екi есе болады бiзде