Жаңа Mercedes-Benz E-кластың ұзын нұсқасы шығады

Mercedes-Benz жаңа буындағы E-кластың төртінші түрленімін таныстырды, дөңгелек базасы ұзарған седан негізінен Қытайда сатылады. Мұндай E-класта Еуропада кездеспейтін опциялар болады.

1 / 11

• 
• 
• 
• 
• 
• 
• 
• 
• 
• 
• 

1 / 11

Қытай нарығына арналған Mercedes-Benz E-кластың алдынан қарағанда ұзарғаны білінбейді, бірақ машина сұлбасы айтарлықтай өзгерді. Ось арасындағы қашықтық 133 мм артып (3094 мм), жалпы ұзындығы 5092 мм-ге (+143 мм) жетті. Автомобиль ұзарғандықтан, төбе сызығы өзгеріп, артқы тірек маңында қосымша терезе пайда болды, пропорция сақтау үшін көліктің биіктігі 25 мм артты.

1 / 5

• 
• 
• 
• 
• 

1 / 5

Жүргізуші орны өзгерген жоқ: Еуропадағыдай қосымша ақы төлеп, алдыңғы панельге HyperScreen гиперэкранын орнатуға болады, бірақ медиажүйе интерфейсі жергілікті нарыққа бейімделген. Басты өзгеріс екінші қатарда.

E-класс L бөлек креслолармен жабдықталады. Mercedes-Benz-тің қымбат седандарындағыдай арақабырға болмайды, оның орнын үлкен шынтақ тіреуіш басады. Бірақ креслоларды жеке-жеке электрлі реттеуге болады.

Алдыңғы жолаушы орындығы бүктелетін сервожетекпен жабдықталған, оны аяқ тіреуішке айналдыруға болады. Сондай-ақ модельдің ұзарған нұсқасында атмосфералық жарық бар.

Қытай нарығына арналған лимузин 204 немесе 258 ат күшіне ие 2 литрлік төрт цилиндрлі мотормен жүреді, агрегат 9 диапазонды автоматпен жұмыс істейді. Машина артқы жетекті.

Жаңа өнім Қытайда Mercedes-Benz және BAIC бірлескен кәсіпорнында шығады, машина алдағы айларда саудаға түседі. Модельдің ұзын нұсқасы Үндістан нарығына шығуы мүмкін.