Жаңа Mercedes-Benz E-класс: гибрид, селфи-камера және TikTok

Mercedes-Benz E-кластың жаңа буынын таныстырды. Қазірше стандарт моторы бар седанды ғана көрсетті, универсал мен қуатты AMG нұсқасы кейінірек шығады. Седан сәл үлкейіп, технологиялық мүмкіндігі артқан, ал мотор гаммасында тек гибрид болады.

Жаңа E-класс өзінің алдыңғы буынына, S-класс-қа және электрлі EQE-ге аздап ұқсайды. Бірақ түпнұсқа бампер, ерекше үлгідегі жүріс шамы сияқты өзіндік ерекшеліктерін сақтап қалды.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Модельдің дөңгелек базасы 22 мм, ұзындығы 14 мм ұлғайды. Соның арқасында артқы жолаушының аяғына 17 мм орын босады. E-класс шассиінің архитектурасында үлкен өзгеріс жоқ. Шеберлер басқаруға болатын артқы дөңгелек орнатқан. Олар төмен жылдамдықта алдыңғы дөңгелекке қарама-қарсы бағытта 4.5 градусқа дейін бұрыла алады, бұл кері бұрылу радиусын азайтады. Жылдамдық сағатына 60 шақырымнан асқанда артқы дөңгелек алдыңғы дөңгелекпен бір бағытта қозғалып, тұрақтылықты арттырады. Бірақ толық басқарылатын шасси үшін қосымша ақы төлеу керек.

1 / 10

• 
• 
• 
• 
• 
• 
• 
• 
• 
• 

1 / 10

Үздік түрленім салонында S-кластағы сияқты үш дисплей бар. Бір айырмашылығы E-кластағы әйнек панельде екі экран (14.4 дюймдік ортаңғы және жолаушы алдындағы) орналасқан. 12.3 дюймдік аспаптар панелі бөлек тұр. Компания Angry Birds және TikTok қосымшасын алдын ала орнатыпты, жабдықтар тізімінде селфи-камера бар, оның көмегімен Zoom арқылы сөйлесуге болады.

Марка седанды алты түрлі күштік құрылыммен ұсынады. Бәрінде электрлі қосымша бар, оның үстіне қозғалтқыштардың жартысы қосуға болатын гибрид. Базалық түрленім 2 литрлік төрт цилиндрлі мотормен жүреді, ол 23 күшке (205 Нм) ие жаңа стартёр-генератормен бірге 204 ат күші мен 320 Нм береді. Оған балама ретінде бойында 197 арғымақтың күші бар (440 Нм) 2 литрлік дизельді моторды таңдауға болады, мұндай E-класс толық жетекті болуы мүмкін. Модельдің ең арзан нұсқасы алғашқы жүздікті 7.5 секундта еңсереді, ал ең жоғары жылдамдығы сағатына 240 км-ге жетеді.

Қосуға болатын гибридтің бәрі 129 ат күшіне ие электромотормен жабдықталған. Біріншісінде ол 204 күшке ие төрт цилиндрлі мотормен бірге 312 ат күші мен 550 Нм береді. Екіншісінде 252 ат күшіне ие мотормен бірге жұмыс істеп, жалпы қуаты 380 күш пен 650 Нм моментке жетеді. Бірінші түрленімде толық жетек опция болса, екінші нұсқада ол стандарт жабдықтар тізімінде болады. Ең қуатты седан 5.3 секундта жүзге дейін жылдамдық алып, 250 км/сағ жылдамдықпен жүре алады.

Барлық гибрид 25.4 киловатт жаңа аккумулятормен жабдықталған, соның арқасында бензин жұмсамай 115 шақырым жол жүруге болады.

Mercedes-Benz E-класс Зиндельфинген мен Пекинде шығады. Машина биыл жазда сатыла бастайды. Оған дейін мотор гаммасына 6 цилиндрлі агрегат қосылуы мүмкін. Универсалды да таныстыратын шығар, ал қуатты нұсқасы жыл аяғына қарай шығады. Компания модельге 8 цилиндрлі мотор орнатпайды әрі купе және кабриолет шанағындағы екі есікті нұсқасын шығармайды.