Жаңа McLaren 750S марканың ең жеңіл суперкары атанды

McLaren компаниясы 750S индексті жаңа суперкарын таныстырды. Ол сырттай 720S-ге өте ұқсас, оның ізбасары деуге де болады. Бірақ марка 750S-ті 30 % жаңа компонентпен жабдықтады. Бағасы 324 мың доллардан басталады.

1 / 7

• 
• 
• 
• 
• 
• 
• 

1 / 7

McLaren жаңа өнімде карбон монокок, ортада орналасқан мотор және 4 литрлік турбоүрлемді V8 сияқты бұрынғы суперкар концепциясын сақтап қалды. Бірақ шеберлер бұл суперкар компоненттерін едәуір жақсартқан.

Мысалы, қозғалтқышқа жаңа үрлем жүйесі мен экстремал 765LT-дің жеңіл поршенін орнатты. Ол қазір 750 ат күші (бұрынғыдан 30 күш артық) мен 800 Нм береді. Осының және оңтайлы 7 сатылы робот қораптың арқасында купе мен спайдер алғашқы жүздікті 2.8 секундта еңсеріп, 7.2 секундта жылдамдығы сағытына 200 шақырымға жетеді. Ал ең жоғары жылдамдығы — 332 км/сағ.

Бос тұрған кезде купенің салмағы 1281 келі болады (спайдер — 1326 келі). Шанақ компоненті ғана емес, аспа деталі де жеңілдеді, жаңа дөңгелек дискісі бұрынғыдан 13.8 келі жеңіл. McLaren суперкар салмағын барынша төмендету үшін жолаушы орындығын реттейтін құралдан бас тартуды ұсынды.

Шанақ белсенді элементтері бар қайта жасалған аэродинамикалық тірекпен ерекшеленеді. Интерьер архитектурасы да өзгерді, жаңа дисплейлер қойылып, борт электроникасы Control Launcher функциясымен жабдықталды. Соның арқасында жүргізуші аэродинамика, шасси және күштік құрылым параметрін сақтайды және бір батырманы басу арқылы іске қосады.

Сондай-ақ карбон-керамикалы тежеуіш, қаңқасы көміртекті пластиктен жасалған өте жеңіл кресло, жарыс шинасы және салонды әрлеудің бірнеше нұсқасы бар.

Марка машинаға тапсырыс қабылдап жатыр, бірақ клиенттер қолына қашан тиетіні қазірше белгісіз.