«Реновация» бағдарламасы бойынша Lada Dacia-ға жақындаса, Renault одан жоғары сатыға көтеріледі. CMF-B платформасындағы Lada модельдік топтамасы дамыса, корпоратив ішіндегі бәсекені болдырмау үшін қолжетімді Logan мен Sandero-ның саудасы тоқтайды. Олардың орнына халыққа анағұрлым қымбат әрі жақсы жабдықталған Renault ұсынылады. Мысалы, Logan-ның (Түркияда Symbol) орнын Taliant шағын седаны басады.
Renault Taliant — бұл жақында үшінші буыны көрсетілген Logan. Көліктің капоты, бампері, есігі, қанаты және жарық техникасы ерекше жасалған. Күштік құрылымына қатысты ресми ақпарат берілмеді, бірақ оған Renault Clio-ның 100 ат күшін беретін 3 цилиндрлі 1.0 TCe турбомоторы мен 85 ат күшіне ие дизельді 1.5 dCi төрттігі орнатылады деген болжам бар. Жаңа машина Түркияда жылдың екінші жартысында сатыла бастайды. Ал Қазақстанға жуық арада келе қоймайды.
Комментариев: 0