Жаңа «линкольнде» 48 дюймдік панорамалы экран болады

Биыл Lincoln Nautilus кроссоверін жүргізушіге де, жанындағы жолаушыға да арналған панорамалы экранмен жабдықтайды. Тұнықтығы 4K болатын 48 дюймдік мультимедиа панелі әлемдегі ең танымал Google Android Automotive операциялық жүйесімен жұмыс істейді.

Mercedes-тен айырмашылығы, Ford-тың «гиперскрині» екі экранның қосындысынан жасалған (сенсорлы емес!). Функцияларды басқару және реттеу ортаңғы консольдегі 11 дюймдік планшет арқылы орындалады. Әзірлеушілер мобильді құрылғылармен үйлесетін үйреншікті және ыңғайлы интерфейсті сақтай отырып, теңдесі жоқ баптау және модульдік функциялар ұсынады.

Жүйе дерекқорға енген жүргізушілерді танып, аспаптар панелінен Google Maps, Assistant және 5G параметрлерін автоматты түрде таңдайды. Apple CarPlay және Android Auto арқылы пайдаланушы смартфонын борттық жүйеге қосып, қолданбаларға, музыкаға және навигацияға оңай қол жеткізе алады.

Мұхиттың арғы жағындағы жаяу жүргіншілер жолдан өтерде жаңа Линкольнді көрсе, абай болғаны абзал.