Toyota маусым айында Land Cruiser 300-ді таныстырды. Енді Lexus-тің жаңа нұсқасына кезек келді. LX 570-тің ізбасары туралы ресми ақпарат болмағанымен, жапониялық басылымдар модельге қатысты мәлімет бере бастады.
LX 570-тің капот астындағы ескі 5.7 литрлік V8-ді Land Cruiser 300-ге қойылған турбоүрлемді 3.5 литрлік V6 алмастыратыны белгілі. Жол талғамайтын көліктің бұл түрленімі LX 600 индексінде жарық көреді.
Creative311 порталы хабарлағандай, LX 600-ден бір саты жоғары LX 750h гибридіне де 3.5 литрлік қозғалтқыш қойылады, бірақ онымен бірге электромотор жұмыс істейді. Күштік құрылым 480 ат күші мен 871 Нм момент береді.
Интерьерде қандай өзгеріс болатыны туралы да болжам бар. Жаңа LX-ке 17 дюймдік дисплей орнатылады.
Инсайдерлер Lexus LX-тің келесі буыны 2021 жылы қыркүйекте таныстырылады деп болжап отыр. Ал сатылымға жыл соңында шығуы мүмкін.
Комментариев: 0