4 ақпанда АВТОВАЗ Тольяттиде Lada Largus-тің рестайлингтен өткен нұсқасын шығаруды ресми түрде бастады. Бірінші болып “Cross” қосымшасы бар универсалдың өндірісі басталды.
Жаңарған Largus-тің сыртқы ерекшелігі ретінде үлкен радиатор торын, өзгеше бамперін, заманауи шамдарын, Lada Vesta-дан алынған айналарын айтуға болады.
Сондай-ақ, салонда көптеген өзгерістер бар. Мұнда дизайнерлер бөлшектерді Renault және Lada каталогтарынан алған. Жаңа универсалдың алдыңғы панелі мен есік карталары Duster-ден, орындықтары XRAY-дан алынған, ал рөл мен бақылау тақтасы «Веста» молелінікіне өте ұқсас.
Автокөлік техникалық жағынан еш өзгеріске ұшыраған жоқ. Компания сатылымның басталатын күні мен бағасын кейінірек жариялауға уәде берді.
Комментариев: 0