Lada Granta-ның Sport нұсқасы 2010 жылдардың басында жарық көріп, 2018 жылы топтамадан шығып қалды. Қазіргі дағдарысқа қарамастан зауыт спорттық түрленімді қайта шығаруды жоспарлап отыр, көліктің прототипі дайын. «За рулём» журналының бас редакторы Максим Кадаков қуаттырақ мотормен жүретін жаңа өнім жазда нарыққа шығатынын айтады.
Мамандар Lada Granta Sport-ты бұрынғы әдіспен жасайды, автомобильді жаңа аэродинамикалық бастырық және басқа аспамен жабдықтап, салонын спорттық стильде әрлейді. «Грантаның» спорт нұсқасына басқа амортизатор мен серіппе орнатады.
Капот астындағы 1.6 литрлік мотор сәл жақсартылады. Ол жаңарған енгізу жолы және жаңа басқару блогымен жабдықталған. Нәтижесінде қозғалтқыш қуаты 120 ат күшіне жетеді, ал бұрынғы Granta Sport 114 ат күшіне ие мотормен жүретін. Трансмиссияда өзгеріс жоқ — 5 сатылы механика қала береді.
Рестайлингке дейінгі Granta Sport-тан айырмашылығы, жаңа нұсқа седан ғана емес, лифтбек шанағында да шығады. АВТОВАЗ Granta Drive Active моделінен бас тартпайды, бірақ Granta Sport одан қымбатырақ болады. Қазір «Грантаның» ең үздік нұсқасы 809 900 рубль (4.8 млн теңге) тұрады.
Сондай-ақ Vesta NG моделінің седан және универсал шанағындағы қуатты нұсқасы болады. Ол сатылымға қашан шығатыны қазірше белгісіз.
Комментариев: 0