Қазақстандағы автонарық қарқынды дамып, айына 9 мыңнан аса машина сатылып жатыр. Қыркүйекте 9 804 жеңіл автокөлік пен жеңіл коммерциялық көлік, 1 136 жүк көлігі, арнайы техника мен автобус сатылды. Бұлардың 798 данасы Ресей, Өзбекстан және Қырғызстанға жеткізілген. ҚАБА мәліметіне сүйенсек, биылғы тоғыз айда отандық нарық өткен жылмен салыстырғанда 21 % өсім көрсетті.
Әлемді жайлаған індет салдарынан туындаған дағдарыс бұл салаға да салқынын тигізіп, жұмыстың тұралап қалуына әкеп соқты, сол себепті дилерлер көптеп машина алуға тырысқанымен сатылатын көлік табу қиын болып тұр.
Қыркүйекте көп сатылған көліктер көшін Hyundai (2 216 дана) бастады. 2 137 машина сатқан Lada екінші орынға жайғасты. Үшінші орындағы Chevrolet өнімдерінің 1 538 данасы иесін тапты. Toyota (1 128 дана) төртінші орынға тұрақтаса, үздік бестікті Ravon (625) түйіндеді. Алтыншы орында JAC (445), жетінші орында Kia (407) тұр. Күздің алғашқы айында жоғары сұранысқа ие болған он көлік тізімінде Volkswagen (342), Nissan (282) және Renault (251) бар.
Комментариев: 0