Алдын ала ақпаратқа бойынша Kia 17 ақпан күні Sorento-ның жаңа нұсқасын таныстырады. Ал біз оның сырт кейпінде қандай өзгерістер болатынын білеміз. Себебі әлеуметтік желіде көліктің Ресейде түсірілген суреттері жарияланды.
Кроссовердің алдыңғы бөлігі жұмырлау пішінінен арылып, анағұрлым агрессивті радиатор торы мен жаңа жарық техникасына ие болды. Өзгерген ол Seltos деп аталатын шағын паркетникті еске салатындай. Артқы бөлігінде жүксалғыш қақпағы өзгертілген, ал көлденең оптиканың орнына тік шамдар орнатылды. Бұрын Kia үлгілерінде мұндай болған емес.
Sorento-ның салоны мүлде басқаша жасалған. Мұнда тік ауа өткізгіштері, екі көлденең дисплейі бар жаңа панель бірден көзге түседі. Дизайнерлер автомат қораптың әдеттегі иінтірегінен де бас тартып, оның орнына шайба орнатқан.
Жаңа машинаның техникалық жағынан қандай ерекшеліктері бары әзірше белгісіз. ЕЭО нарығына арналған нұсқаларға 180 аттың күшін беретін 2.5 литрлік атмосфералы мотор орнатылады деген болжам бар.
Комментариев: 0