Жаңа Kia K3 хетчбэк шанағында шығады

Екі ай бұрын жарыққа шыққан Kia K3 седанының бес есікті нұсқасы пайда болды. Жаңа хетчбэк платформаласына қарағанда шағын, бірақ Kia Rio-дан әлдеқайда үлкен. Kia K3-ті Оңтүстік Америкадан жеткізеді, бірақ қашан екені әзірге белгісіз.

Өлшемдері — 4295×1495×1765, ал дөңгелек базасы — 2670 мм. Ось арасындағы қашықтық седанмен бірдей болғанмен, ұзындығы 250 мм кем. Жүксалғыш көлемі төрт есікті нұсқада 544 литр еді, бұл модельде — 390 литр. Бренд өкілдері бұл жергілікті нарықтағы хетчбэктер арасындағы ең үздік көрсеткіш деп отыр.

Жаңа автомобиль Kia Rio-ны барлық жағынан артта қалдырады. Мысалы, K3-те ось арасындағы қашықтық — 90 мм, ал бампер арасында 230 миллиметр артық. Одан бөлек Kia K3 VW Golf-тен ірі болып шықты.

Автомобильдің сырт пішіні седанмен бірдей. Тіпті шанақтың артқы тіреуішіндегі хромдалған қондырмалар да сақталған. Арт жағы диффузор, спойлер және бесінші есік пішіні арқасында қатал көрінеді. Интерьерге бас қатырмапты. Бір блокта 10.25 дюймдік медиажүйе экраны мен цифрлы аспаптар панелі орналасқан, климат-бақылауды басқару пульті және екі шабақты рөл бар.

Жабдықтар тізімінде 17 дюймдік дөңгелек дискілері, екі аймақты климат-бақылау, алты қауіпсіздік жастығы, смартфонды Apple CarPlay және Android Auto көмегімен сымсыз жалғау мүмкіндігі және жүргізуші ассистентінің толық жинағы бар.

Мотор гаммасы да сақталған. Оңтүстік Америка нарығына арнап бес есікті Kia K3-ті тек атмосфералы мотормен жабдықтайды: 1.6 литрлік мотор 123 ат күші мен 150 Нм, ал 2 литрлік түрі 152 ат күші мен 191 Нм момент береді. Шағын мотор 6 сатылы механикамен де, 6 сатылы автоматпен де жұптасады. 2 литрлік қозғалтқыш тек автоматпен жұмыс істейді. Экспортқа 1.4 литрлік үрлемді агрегатпен шығады, бірақ әзірге техникалық сипаттамасы жоқ.

17 250 доллар төлеп, седанға алдын ала тапсырыс беруге болады. Хетчбэк 2024 жылы қаңтарда саудаға шығады.

Бұған дейін Kia Cerato топтамасы K3 индексімен тараған. Оған қазір Rio ие болғанға ұқсайды. Ал Cerato-ның орнына келетін ірі модель K4 индексін алады. Компания жаңа седанды сынақтан өткізуді бастап кетті.