Жаңа Jetour Янцзы өзенінен өткен алғашқы автомобиль атанды

Jetour жаңа Zongheng G700 жол талғамайтын көлігінің мүмкіндігін көрсететін ерекше сынақ өткізді: автомобиль Қытайдағы Янцзы өзенін Уху қаласы маңында кесіп өтті. Модель мұндай жетістікке жеткен алғашқы автомобиль атанып отыр.

1 / 3

• 
• 
• 

1 / 3

Jetour Zongheng G700 жалпы 1480 метр жүріп өтті, соның 1.2 километрі суда болды. Өзеннен өтуге 22 минут кеткен. Көлік шамамен 7 км/сағ жылдамдықпен қозғалды. Ұйымдастырушылар Янцзының ағысы 5–10 км/сағ шамасында болғанын айтты.

Машина су өтпейтін шанағының, жылдамдық пен тепе-теңдікті бақылайтын гироскоптың арқасында суда жүре алады. Ресми дерек бойынша G700 тереңдігі 970 мм өткелден өтеді, ал суда 40 минутқа дейін жүзеді. Бірақ Янцзы өзенінің тереңдігі 5 метр екенін ескерсек, сынақ кезінде машина өзінің ресми сипаттамасынан асып түскен.

1 / 19

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 19

Jetour Zongheng G700 — үш моторлы гибрид, жалпы қуаты — 762 ат күші. Ұзындығы — 5.2 метр, дөңгелек базасы — 2870 мм, клиренсі — 320 мм. Бренд жол талғамайтын көлікке алдын ала тапсырыс қабылдай бастады. Бағасы — 349 900–429 900 юань (26.4–32.5 млн теңге).