Infiniti былтыр маусымда QX60-тың екінші буынын таныстырды. Тұсаукесерде кроссовердің АҚШ нарығына 2021 жылдың аяғында шығатыны хабарланған, енді оның Қазақстанға келер жылы жеткізілетіні белгілі болды.
Модельдің екінші буыны жаңа Nissan Pathfinder-ге негізделген және онымен бір күштік кұрылымды бөліседі. Жол талғамайтын көлік капотының астында 3.5 литрлік V6 тұр. Америкалық нұсқасындағы агрегат 299 ат күшін (366 Нм) береді және 9 сатылы автоматпен жұмыс істейді. Алдыңғы буын өкілі сатысыз қораппен жабдықталатын.
Автокөлік 61 мм-ге қысқарып (5034 мм), 1742-ден 1770 мм-ге биіктеді. Дөңгелек базасы өзгеріссіз қалды (2900 мм). Жол саңылауы — 170 мм, бұрынғыдан 5 мм-ге ұлғайды.
QX60 Infiniti-дің Қазақстанға келетін жалғыз жаңа өнімі емес екенін айта кеткен жөн. Биыл күзде марканың QX50 мен QX80-нен құралған топтамасы купе тәрізді QX55 моделімен толығады.
Комментариев: 0