Мамырда төртінші буындағы Hyundai Tucson интерьерінің суреті желіде тараған болатын, ал жуырда World Scoops басылымы жүргізуші отыратын орынның ресми нобайын жариялады. Бұл салонның алдыңғы бөлігін бағалауға мүмкіндік береді. Кроссовердің іші минималистік стильде жасалған, мұнда тіпті трансмиссия иінтірегі де жоқ, машина сенсорлы панель көмегімен басқарылады.
Көлік дизайны былтыр таныстырылған Hyundai Vision T концептісіне (фотосуретте) жақын, ол соңғы Sonata-ға қатты ұқсайды. Мотор топтамасына тоқталсақ, жаңа Tucson-ның базалық нұсқаларына 180 ат күшіне ие 1.6 литрлік SmartStream моторы орнатылады, ал үздік жиынтықтағы көліктерге 290 арғымағы бар 2.5 литрлік T-GDI агрегаты қойылады. Бізге өзіміз жақсы білетін 2.0 литрлік атмосфералы қозғалтқышы бар Tucson келетіні анық.
Hyundai Tucson-ның қашан жарық көретіні белгісіз, бірақ осы жылдың соңына қарай таныстырылуы мүмкін.
Комментариев: 0