Hyundai экстремал көлігінің концептісін көрсетті

Hyundai Лос-Анджелестегі автосалон аясында Crater концептісін таныстырды. Бұл — сұсты жол талғамайтын көліктің прототипі. Қыркүйекте марка осыған ұқсас жаңа рамалы өнім жасаймыз деп мәлімдеді.

Компания Crater-ді шытырман оқиғаға әуестік пен авантюризмнің көрінісі деп санайды, ол XRT топтамасының бет-бейнесі болады. Брендтің бас дизайнері Ли Сан Юп жоба «Еркіндіктің түрі қандай?» деген сұрақтан басталды деді.

1 / 20

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 20

Шоукар динамикалық пішінімен ерекшеленеді. Алдыңғы бөлігі, кең дөңгелек аркасы мен ірі бамперлерінің арқасында қырлы көрінеді. Crater-дің клиренсі биік және 33 дюймдік шиналармен жабдықталған. Оның кез келген саяхатқа дайын екенін қорғаныш пластинасы, бұтақтан қорғайтын элементтері мен экспедицияға арналған жүксалғышынан көруге болады. Бүйіріндегі айналарда шам бар, сүйреуге арналған ілмекпен бөтелке аша аласыз.

1 / 2

• 
• 

1 / 2

Crater-дің есіктері кері ашылады, шанағында ортаңғы тірек жоқ. Дизайнерлер футуристік интерьерін спорттық стильде әрлеп, алдыңғы әйнекке толық түсетін проекция және төрт шағын дисплей орнатқан. Қауіпсіздік каркасынан бөлек, алғашқы көмек көрсетуге қажет заттар, өрт сөндіргіш және ағытылатын динамик бар.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Қыркүйекте компания өкілдері Ford Ranger мен Toyota Tacoma-ға бәсекелес бола алатын жаңа рамалық пикап әзірлеп жатқанын хабарлаған. Hyundai сол платформаға негізделген жол талғамайтын көлік жасамақшы.