Carscoops басылымы Hyundai компаниясы 2020-2021 жылдары шыққан Hyundai Elantra, Sonata және Santa Fe-ден табылған өндірістік ақауды жою үшін сервистік кампания жариялағанын хабарлады. Өндіруші берген мәлімет бойынша модельдер судың әйнек бетінен ағып кетуін тездетуге арналған күмәнді қоспа қолдану арқылы құрастырылуы мүмкін, салдарынан ол лак-бояу жабынымен араласып, алдыңғы әйнектің дұрыс жабыспауына себеп болады. Ақау барын жүріс кезінде жел дыбысының естілуі мен әйнектің машина корпусымен түйіскен жерінен су кіруінен байқауға болады.
Ақауды бояу жеткізетін Axalta компаниясы былтыр ақпанда анықтаған. Кейін автоөндіруші тексеріс жүргізіп, сервистік кампания жариялауға мәжбүр болды.
Шара 2020 жылғы 29 қазаннан 2020 жылғы 17 желтоқсанға дейін шығарылған Hyundai Sonata мен Santa Fe, сонымен қатар 2020 жылдың 29 қазанынан 2021 жылдың 8 қаңтарына дейін шығарылған Elantra модельдерін қамтиды. Тиісті ескерту алған көлік иелеріне Hyundai орталығына бару қажет. Ондағы мамандар машинаның алдыңғы әйнегін алып, талапқа сай келетін қоспа қолдану арқылы қайта орнатып береді.
Комментариев: 0