Жаңа Hyundai Palisade-тың алғашқы фотосуреті

Hyundai мен Kia модельдерін жаңартқан кезде үнемі батыл эксперимент жасайды. Жаңа Palisade та сол дәстүрден жаңылған жоқ. Кроссовердің екінші буыны алдыңы нұсқадан мүлде өзгеше болады әрі топтамадағы өзге модельдерге ұқсамайды.

1 / 7

• 
• 
• 
• 
• 
• 
• 

1 / 7

Hyundai автомобиль туралы аз-кем ақпарат жариялады. Кроссовердің дөңгелек базасы ұзынырақ болатыны белгілі, бірақ компания нақты цифрды атаған жоқ. Бірінші буындағы Palisade-тың ось арасындағы қашықтығы 2900 мм еді.

Салонда стақан қоятын орын, USB-розетка және смартфон қуаттағыш тұратын ортаңғы консоль ерекше көзге түседі. Оны қосымша орындыққа айналдыруға мүмкіндік бар. Ең кең нұсқада 9 орын бар. Бірақ мұндай опция Оңтүстік Кореяға арналған автомобильде ғана болады.

1 / 3

• 
• 
• 

1 / 3

Машинаның алдыңғы панелінде 12.3 дюймдік екі экран, медиажүйе мен климат бақылауды басқаруға арналған көптеген батырма мен шайба орналасқан. Беріліс қорабының селекторы рөлде тұр. Жаңарған Hyundai Tucson мен Santa Fe-нің де селекторы рөлде болатын.

Модельдің техникалық сипаттамасы жайлы ақпарат жоқ. Компания толық мәліметті алдағы бірнеше аптада жария етеді. Екінші буындағы Palisade гибрид күштік құрылыммен жүреді деген ақпарат бар.