Hyundai Elantra 2018 жылы тамыз айының аяғында жаңартылған болатын, ал биылғы наурызда рестайлингті «Элантра» Қазақстан жеріне табан тіреді. Біздің нарықта аталған үлгі 1.6 және 2 литрлік моторлармен қолжетімді. Алғашқысы 127 аттың күшін берсе, екіншісі 152 арғымаққа ие. Арзандау нұсқалары 6 сатылы механикамен ұсынылады, ал жақсы жабдықталғандары 6 диапазонды автоматқа ие.
Бағаларына келетін болсақ, Elantra әлбетте қымбаттады. Жаңартылғанға дейін көлік құны 5.8 млн теңгеден басталған болса, ал қазіргі таңда ең қолжетімді 1.6 литрлік моторы бар механикалық көлік 6.4 млн ақшаға бағаланып отыр. Автомат алғыңыз келсе 400 мың теңге көлемінде қосымша қаражат жұмсайсыз. Көлемі 2 литрлік темір тұлпарлардың бағасы 8.7 млн теңгеден басталып, 9.3 миллионға дейін жетеді. Мұндай «элантралар» тек автоматты қораппен ұсынылады.
Осындай баға саясатын ұстанған кореялық седан құны жағынан Toyota Corolla-ға жақын қалды. Көлемі 1.6 литрлік механика үшін 7.7 млн сұралатын қарапайым жиынтықтағы «тойота» біршама қымбат болғанымен, үздік нұсқадағы көліктердің бағасы шамалас: «Королла» 9.5 млн теңгеге бағаланса, «Элантра» 9.3 млн тұрады. Бұл тұста Hyundai көлігінің 2 литрлік моторы классикалық гидротрансформатормен жұптаса жұмыс істейтінін айта кеткен жөн.
Корма класс, передок ужас