Honda компаниясының 1995 жылы шыққан «демалысқа арналған шағын көлігі» (Compact Recreational Vehicle) бұрыннан үлкен сұранысқа ие, сол үшін де оның алтыншы буыны аса өзгермейді. Жаңа Honda CR-V-дің сыртқы пішіні де, жабдықталуы да бұрынғыдан өзгеше емес. Жасы мен жынысына қарамастан барлық адамға ыңғайлы орта деңгейдегі машина.
Модель бұрынғы платформада қалды, бірақ өлшемі қазіргі буынға қарағанда сәл үлкен — 4694×1864×1692 мм, ось арасындағы қашықтық — 2700 мм.
Қозғалтқышы бұрынғыдай. Базалық машина вариатормен жұмыс істейтін 193 ат күшіне ие 1.5 литрлік турбомотормен жүреді, ал үздік нұсқасына 207 ат күші мен 335 Нм момент беретін, қосымша гибрид жүейсі бар екі литрлік мотор қойылады. Толық жетек төрт жиынтықтың (EX, EX-L, Sport және Sport Touring) бәрінде қолжетімді. Негізгі дөңгелек дискісі 18 дюймді болады, ал Sport Touring түрленіміне 19 дюймдік дөңгелек орнатылады.
CR-V-дің стандарт комплектациясы жарықдиодты оптика, 10 қауіпсіздік жастығы, Honda Sensing көмекші жүйелер кешені, бейімді круиз-бақылау, автоматты тежеу, жол белгілерін тану, көрінбейтін аймақты бақылау, жолақта ұстау және биіктен түскенде көмек беретін жүйені қамтиды. Соңғысы модельге алғаш рет орнатылып отыр.
Алдыңғы панельдің архитектурасы жаңа Civic-ке ұқсайды, онда спидометрмен біріккен 7-дюймдік аспаптар панелі, 7 немесе 9 дюймді мультимедиа экраны бар.
Honda CR-V Солтүстік Америкадағы ең танымал кроссоверлердің бірі екенін ескерсек, ол Огайо мен Индиана штаты және Канададағы үш бірдей зауытта өндіріледі. Қарапайым EX және EX-L жиынтығы тамызда, ал гибрид Sport пен Sport Touring жыл аяғында сатылмға шығады. Жаңа Honda CR-V-дің бағасы 30 000 доллардан басталады.
Комментариев: 0