Жаңа Golf-тен қымбат супер-«Гольф»

Bring a Trailer онлайн-аукционына төртінші буындағы «Гольфтің» ең қуатты нұсқасы шықты. Жасы жиырмадан асқан хот-хэтч үшін 80 мың доллар беруге дайын кісілер бар, бірақ бәссауда әлі аяқталған жоқ, сондықтан бағасы тағы өсуі мүмкін.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Осы буыннан бастап Volkswagen барлық «гольфке» DSG қораптарын қоя бастады, ал мына машинаға 6 сатылы механика орнатқан. Ол Haldex толық жетек жүйесімен және 3.2 литрлік мотормен жүреді. 241 ат күші мен 320 Нм момент беретін қозғалтқыш үш есікті көліктің алғашқы жүздікті 6.6 секундта алуына жағдай жасайды.

Мамандар көлік аспасын өңдеп, 18 дюймдік Aristo дискісін орнатқан, салонда былғарымен қапталған Konig спорттық орындығы тұр. Оған қоса R32 жақсы жабдықталған, климат-бақылау жүйесі, төбесінде люк және жақсарған аудиожүйесі бар.

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

Golf R32 MkIV сирек кездеседі деп айта алмаймыз, АҚШ-та 5 мыңға жуық R32 сатылған. Ал біз сөз етіп отырған көлікті елден ерек ететін — өмірбаяны. Автомобильге алғаш америкалық дилер иелік еткен, кейін белгісіз себеппен басқа дилерге сатады. Спорткар 2020 жылға дейін автосалонда тұрса да, тізгіндейтін адам табылмапты. 20 жыл өмірін салонда өткізген машина небәрі 156 шақырым жол жүрген. Кейбір бөлігінде қорғаныш пленкасы сол күйінде тұр, алайда тозған жерлері де бар. Бойында 315 «арғымақтың» күші бар су жаңа Volkswagen Golf R АҚШ-та екі есе арзан, яғни 44 мың доллар тұрады.

Bring a Trailer аукционында жақында тағы бір қызық мәміле жасалды. 85 мың км жол жүрген 1992 жылғы GTI хетчін бір кісі 87 мың долларға алған.