G-Class Squared күзде Мюнхенде өтетін автошоуда таныстырылады. Сондықтан болар супергелик жұрттан жасырынуды қойып, камуфляжсыз сынақтан өтіп жатыр. Хаки түсіне боялған машина салмақты әрі қатал көрінеді.
2017 жылы өндірістен алынған алдыңғы буын өкілі сияқты, жаңа G-Class 4×4² моделі де өзге көліктердің шамасы жете бермейтін аса күрделі жолсыз жерлерде еркін қозғалады. Жол саңылауы 450 мм-ге жететін машинаға күшейтілген аспа, порталды белдік, өздігінен бұғатталатын дифференциал, сонымен қатар топырақпен жақсы жанасатын шина орнатылған. Төбесінде болат жүксалғыш бар, ал артқы есікте қосалқы дөңгелек тұр.
Mercedes-Benz G500 4×4² 585 ат күші мен 850 Нм момент беретін 4 литрлік твинтурбиналы V8-бен жабдықталады деп күтілуде. Бұл мотор қазір AMG ұсынған спорттық G63-ке қойылады. Ол 7 сатылы автоматпен жұптасып, үш тонналық машинаның алғашқы жүздікті 6.9 секундта алуына жағдай жасайды. Ең жоғарғы жылдамдығы 210 шақырымға дейін жетеді.
Ауылга арналган колик