Жаңа E-Class-та селфи-камера мен TikTok болады

Су жаңа E-Class (W214) тұсаукесеріне дайындалып жатқан автоөндіруші автомобиль салонын көрсетті. Mercedes-Benz-тің басқа жаңа көліктері сияқты оның да алдыңғы панелінде үш дисплей тұрады. Бірақ EQE кроссоверінің экраны толықтай әйнекпен жабулы тұрса, ешканың аспаптар панелі бөлек орналасқан. Сонымен қатар ортаңғы консольдегі батырмалар ортаңғы дисплей астына көшіпті.

1 / 8

• 
• 
• 
• 
• 
• 
• 
• 

1 / 8

Көліктегі ерекше көзге түсетін дүние — торпедода тұрған шағын камера. Бір қарағанда бейнетіркеуіш секілді көрінгенмен, ол селфи-камера екен. Автомобиль қозғалыссыз тұрғанда камераны Zoom не Webex-те конференцияға қатысу үшін қолдануға, сондай-ақ фото түсіріп, ролик жазуға, тіпті бірден TikTok желісіне жүктеуге болады. Өйткені марка E-Class мультимедиасына алдын ала қытайлық қосымша орнатқан.

TikTok пен селфи-камера болса да, электроника жолды бақылаудан шығарып алуға мүмкіндік бермейді. Жүргізушінің қайда қарап отырғанын арнайы камера қадағалайды. Ол автомобилист дисплейге қарап отырғанын байқаса, экранды күңгірттеуі мүмкін.

E-Class (W214) туралы толық ақпарат биыл көктемде, модельдің ресми тұсаукесерінде белгілі болады.