Жаңа «Дастердің» сырт пішіні белгілі болды

Жаңа Dacia Duster-дің сырт пішіні желіде тараған алғашқы жарнама видеоның арқасында енді құпия емес. Кроссовер дизайны Bigster концептісі стилінде, бірақ заманауи ерекшеліктерімен жасалған. Сонымен қатар роликте Duster-дің бір мотор түріне сілтеме бар.

Кроссовер ірі бампермен, бедерлі капотпен және Y тәрізді ендірмесі бар оптикамен ерекшеленеді. Артқы шамдары да ұқсас пішінге ие. Duster спойлерге, шанақтың иілген артқы тіреуі мен жасырын есік тұтқасына ие болды.

1 / 8

• 
• 
• 
• 
• 
• 
• 
• 

1 / 8

Кроссоверге дөңгелек аркасының қаптамасына арналған тік ендірмесі бар жақсарған бастырық пен жапсырма орнатқан. Дискілердің екі түсті болуы қымбат комплектация екенін көрсетеді.

Румыниялық Autolatest басылымы роликтегі «Дастер» Dacia Jogger-дегі сияқты гибрид күштік құрылыммен жабдықталған деп мәлімдеді. 1.6 литрлі бензинді мотордан, электрлі мотордан және стартер-генератордан тұратын агрегат 140 ат күшін береді, бірақ Duster үшін сипаттамасы өзгеруі мүмкін.

«Дастер» үшін базалық агрегат 120 ат күшін беретін үш цилиндрлі турбомотор болады, ал ең қымбат кроссовер 170 ат күші бар 1.3 литрлі қозғалтқышты алады деген ақпарат тараған. Дизельді агрегаттар модельдің мотор гаммасынан біржола кетуі мүмкін.

Жаңа Dacia Duster-дің премьерасы 29 қарашада өтеді. Еуропалық баспасөздің хабарлауынша, 1 желтоқсанда Dacia кроссоверге тапсырыс қабылдай бастайды.