Бүгін Өзбекстан халқы жаңа Chevrolet Tracker-ді сатып алу мүмкіндігіне ие болды, демек көп ұзамай жаңа көлік бізге де жетеді. Біздің нарыққа арналған машина Қостанайдағы зауытта құрастырылады. Дәл қай уақытта ресми көрсетілетіні белгісіз, бірақ 2021 жылдың екінші жартысында сатылымға шығады деген болжам бар.
Chevrolet Tracker 2019 жылы Қытай нарығына арналған модель ретінде таныстырылды, бір жыл өткен соң Бразилияға жетті.
Мотор гаммасында көлемі 1.3 литрге дейінгі 3 цилиндрлі бірнеше турбомотор бар. Олар 116-165 ат күшін береді және 6 сатылы механика, автомат, робот қораптармен жұмыс істейді. Жетегі алдыңғы не толық болуы мүмкін.
Өзбекстанда 6 сатылы автоматпен жұмыс істейтін 125 ат күшіне ие моторы бар алдыңғы жетекті машина сатылып жатыр. Бағасы 145 130 000 өзбек сомы, яғни 13.9 мың доллардан басталады.
Комментариев: 0